如何知道閱讀量

有網友問我如何可以知道孩子的閱讀量是多少。

很遺憾，香港和台灣出的書籍，並冇標明字數，所以我哋根本唔知道小朋友睇咗幾多個字， 但係國內出版嘅書籍全部都有標明字數。

例如呢本【 諜戰上海灘】， 收總共20萬字。

佢哋會喺首頁嗰度寫明嘅。

我試下用一個粗略嘅統計， 將書嘅第一行字數數一數，大約係25個字， 然後再數下佢有幾多行， 大約係26行， 25乘26等於 650個字， 我再將 呢一頁嘅字數乘頁數， 呢本書總共有 332頁， 咁即係有21萬 5800 個字。 雖然多咗15800個字， 但係相差亦都唔遠。 點解會多咗呢？ 因為唔係每一行都係滿行。

用呢個方法我哋都可以統計其他嘅書籍， 雖然唔係好準， 但係已經大大幫助我哋了解小朋友嘅閱讀量。

我哋試下用呢本修練 簡單 統計一下：

第一行有25個字， 一頁大概有15行， 呢本書大約有363頁， 三個數字乘埋一齊等於 136125, 即係這本書大約十三萬個字囉!

大家可能會問， 閱讀係樂趣， 需要追求字數嗎？ 我哋唔係追求字數， 你係了解自己做緊乜嘢，呢樣嘢做到乜嘢程度。 好似我哋健康生活， 但都要做健康檢查㗎， 雖然我自問生活已經好健康， 但係如果我冇做健康檢查， 可能有啲隱性嘅疾病我自己唔知喎！

有啲媽咪見到個小朋友日日睇書，覺得閱讀量好充足，但係其實到底佢睇咗幾多個字呢？ 係咪達到同齡嘅水平呢？ 咁就要檢查一下。 檢查完之後發覺原來未到達呢個年齡應該有嘅水平， 咁就要轉變一下，選擇一啲適合佢年齡讀嘅讀物， 提升水準。

如果你問我點解閱讀要提升水準？點解原地踏步唔可以呢？ 咁我冇說話好講， 因為大家唔同channel， 我認為人生追求嘅就係不停進步， 我唔使比其他人叻， 但係今日嘅我一定要比昨日嘅我更好， 我對我個仔都有同樣嘅要求。